Malaysian Pepper In Mountain Dew

Ang Malaysian Pepper ay mayroong apat na klase, Ang nasa picture ay ang pinaka-common sa lahat. Kadalasan, sa mga bote lang ako na softdrinks nagtatanim ng sili para tipid sa space, puwede kong ilipat kapag maulan lalo na kung maliliit pa sila. Maaari ko ring ipasok sa loob ng bahay kapag may bagyo. Ang karamihan kasi sa mga sili ay sensitive lalo na kapag malapit na silang mamulaklak o sa blooming stage nila. Madaling maglagas ang mga bulaklak at hindi na natutuloy sa pagbunga. Iwasan ang pagdilig sa mga sili kapag may mga bulaklak para hindi maglagas o matuyo. Tama na ang isang beses sa dalawang araw. Kung sakali man na sobra ang init sa isang lugar, tama lang ang pag-spray sa lupa para lang maiwasan ang sobrang pagkatuyo. Ang hotness ng Malaysian Pepper ay 7-10, maanghang at mabango kung ilalagay sa suka. Paborito rin ng mga manginginom dahil hindi lumalaban sa dila ang anghang. Ano pa man, hindi naman siya kasing anghang ng siling labuyo o ng Taiwan Pepper. Ang kaniyang mga dahon ay nag-aagaw ang green at blue, ang kaniyang mga bulaklak at bunga ay violet din.

Importante sa pagtatanim ng sili ang buhaghag na lupa. Makakatulong ang paglalagay ng katamtamang dami ng ricehull, cocodust, or sawdust sa lupa, samahan na rin ng organic fertilizer. Wormcast ang kadalasan o halos na ginagamit kong fertilizer. Kapag mataba ang lupa, kayang magbunga ng isang puno ng Malaysian Pepper ng higit sa 40 piraso nang sabay-sabay. At masusundan pa ito sa susunod niyang pagbunga.

Ang bunga ng Malaysian Pepper ay kulay violet mula sa maliit hanggang sa paghinog nito. Malalaman lang na over-ripe na ang bunga kapag kumulubot na. Maaari na siyang pagkunan ng buto para muling itanim.

Clear Weed [Pansit-pansitan]

Clear Weeds or Pansit-pansitan. Madalas itong tumubo sa tabi-tabi, sa daanan, sa mga siwang ng semento sa kalsada o sa tabi ng kanal. Pero sa aking garden, itinatanim ko ito ng sadya para malinis. Mabisang herbal plant at isa sa mga iniindorso ng Department Of Health. Narito ang ilan sa mga health benefits ng halamang ito ayon sa librong Philippine Herbal Plants.

Nakakapagpalinis ng dumi ng mata at nakakapapalinaw ng paningin. Mabisang gamot din sa sore throat [nilalaga] o 'di kaya sa mga may makating lalamunan. Ipinapainom din ang pinaglagaan sa mga may diarrhea. Makakatulong din sa mga may prostate problem. Nakakatulong magpababa ng blood pressure o sa mga high blood. Nakakapagbigay ginhawa din sa mga may arthritis, gout at skin boils. Mabilis din na nakakapaghilom ng sugat o sunog sa balat. Nakakapagpakinis din ng balat at sa pimples. Maaaring inumin o kainin sa mga masakit ang ulo o headache, sa mga may lagnat, o sakit sa tiyan.

Red Malabar Spinach

Red Malabar Spinach. Although, tinatawag din itong spinach, pero sabi ng mga expert ay hindi raw ito spinach. [bahala sila] Dalawang uri ng alugbati meron sa aking garden, ang isa at Ceylon o kulay puting version ng alugbating pula na common dito sa atin. Importante sa pagtatanim ang paggamit ng matabang lupa, kaya kahit maliit lang ang planter na pagtataniman na kagaya ng softdtrinks ay magiging malusog at mataba pa rin ang tanim. Wormcast lang ang ginagamit kong panghalo sa lupa sa lahat ng tanim.

Croton [Yellow Petra]

Croton [Eleonor Roosevelt]

Ang Croton [Eleonor Roosevelt] ay hango ang pangalan kay Franklin Roosevelt. Ang huli ay mayroon ding sariling variety ng Croton na ipinangalan sa kaniya. Kagaya ng mga naunang Croton na nakapost, pareho lang ang pag-aalaga at ang kaniyang mga kailangan para maging malusog at magandang halaman.

Croton [Curly Boy]

Ang Croton [Curly Boy] ay native sa Malaysia at sa Western Pacific Region. Ang mga dahon ng Curly Boy ay nagkakaroon ng mga matitingkad na kulay, depende sa nakukuha niyang init ng araw at maging sa lamig. Kapag kulang sa araw, mas mangingibabaw ang kulay green sa kaniyang mga dahon. Matakaw siya sa init ng araw, pero kinakailangan pa din ang pananggalang kapag nasa kasagsagan ng init sa bahagi ng isang araw. Ang Curly Boy ay maaaring sa loob ng bahay, panatilihin lamang ang magandang drainage na kagaya ng pag-aalaga sa Croton Petra.

Calamansi

Calamansi. Grafted po ito. Maliit pa yan ng ibinigay sa akin, pero ngayon ay talagang super hitik kong mamunga, nasa balde lang yan kaya naipapasok ko sa bahay kapag may bagyo at kapag nanganganib maglaglagan ang mga bulaklak kapag malakas ang hangin. Kapag nag-uumpisa nang mamulaklak, makakatulong ang pagdilig ng Fish Amino Acid [FAA] para sa mas madaming bunga.

Croton [Petra]

Ang Croton [Petra] ay isang uri ng Croton na native sa Southern Asia at sa Western Pacific Island. Mas preferred niya ang mainit na klima, kaya kadalasan, sa mga bansang may malamig o winter season ay mas pinipili nilang itanim ang Petra sa isang container, para nga naman madaling ilipat ng lugar o ilagay sa loob ng bahay kapag sobra ang lamig.

Ang Petra ay nangangailangan ng 6 hanggang 8 oras na init ng araw. Ngunit makakabuti rin ang paglalagay ng variation o green net o anumang pananggalang sa init ng araw kapag nasa kasagsagan ng summer o tag-init. Maaaring mabuhay ang Petra sa loob ng bahay. Ginagawa ito sa pamamagitan ng paglalagay sa kaniya malapit sa pinanggagalingan ng sikat ng araw, at ilalabas ng bahay pagkalipas ng dalawa o tatlong araw para makasagap ng sapat na sikat ng araw na kailangan niya. Nangangailangan din ng magandang drainage sa paso kapag ilalagay sa loob ng bahay. Maaaring maglagay ng pebbles o maliliit na bato sa pinakailalim ng paso para maiwasan ang sobrang pagkababad ng kaniyang mga ugat sa tubig.

Croton [Fire Of San Francisco]

Zinnia [Purple]

Zinnia [Red]